بسم الله الرحمن الرحيم
اليوم جايبه لكم طبخات انا اسويها بالبيت
لاتحسبووون اني ماني ست بيت انا ماشاءالله علي
طباخه مااااهرة هذي مجموعه طبخات حبيت احطها لكم
1-مضغوط اللحم :
المقادير :
أ-1 كيلو لحم بالعظم – بصله متوسطه مفرومه – 3 ملعقة كبيرة زيت – 1 طماطم كبيرة معصورة – 1 فص ثوم مهروس
ب-البهارات : 4 حبات هيل – نصف ملعقة صغيرة فلفل اسود – 5 حبات قرنفل – 2 عود قرفة – 3 ورق غار – ملعقة كبيرة ملح – ملعقة كبيرة صلصة طماطم
ت-3 كأس ارز بسمتي هندي منقوع في ماء دافئ لمدة ساعة – 3 فلفل حار
الطريق :
( زي الكبسة ) أحط 4 كاسات ماء في قدر الضغط اخليه 20 دقيقة ع نار هادية عندما يطبخ اللحم وينتهي احط الرز والفلفل احط ماء شوي عشان يكون اعلى من الرز ب 1 سم
واضغط القدر مرة اخرى لمدة 8-10 دقايق على نار هادية .
وبالعافيه
2-صينية دجاج بكريمه الخفق :
المقادير :
3 قطع صدور دجاج
جزرتان – حبه وحده فلفل رومي
بصله – فطر ( مشروم ) ويمكن الاستغناء عنه
ملعقة صغيرة زبده
ثلاث ارباع كاس كريمه خفق
جبن موزريلا – بهارارت – ملح
تتبيلة الدجاج :
نصف علبه زبادي- ملعقه ص طحينه سايله – ثوم مدقوق – ملح وفلفل
الطريقة :
نقطع الخضروات والدجاج والفطر لشرائح طويله رفيعة ثم نتبل الدجاج .
نضع في مقلاة الزبده والبصل والدجاج والبهارات ونتركه لمده 8 دقايق .
نضع باقي الخضروات والفطر والملح ونتركه ع نار هاديه حتى تذبل تقريبا 10 دقايق.
نحضر صينية ونضع فيها الدجاج والخضار ثم نسكب عليها كريمه الخفق ونرشها بجبن موزاريلا وندخلها الفرن على نار سفليه لمده 15-20 دقيقة ثم تحمر من الأعلى ثم تقدم ساخنه .
3-سلطة متبل :
المقادير :
حبه باذنجان بس لازم تكون كبيرة او متوسطه لا تاخذين صغيرة لأن طعمها حيكون مرة مر.
ملعقتين زبادي – ملعقه صغيرة طحينه سايله – نص فص ثوم – ملعقتين عصير ليمون – شوي زيت زيتون .
الطريقة:
اقطعي بس الراس حق الباذنجان لأن مانحتاجه وحطي الباذنجان بكبره بالفرن وشغلي الفرن من فوق وتحت لمدة 40- 50 دقيقة وطلعيها من الفرن خليها تبرد شوي بعدين اقطعيها من النص وطلع كل اللي بداخل الباذنجان بس خذي اللي بداخله اللب وارمي الباقي
حطي اللب بخلاط وحطي باقي المقادير عليه واخلطيهم وبعدها حطيه بصحن ودخليه بالثلاجة يبرد واذل جيتي تقدميه حطي شوي زيت زيتون فوقه وقدميه .
4-كانيلوني :
المقادير:
في الخلاط :
كاس دقيق – كاس حليب سايل – شوي زيت تقريبا 3 ملاعق ك – ملعقة ص خميرة – شوي ملح
الحشوه : عصاج لحم (( تحطي زيت وشوي بصل وثوم مقطع في مقلاة واحط اللحم مفروم عليه وهذا هو العصاج ))
الطريقة :
اخلطي اللي بالخلاط لازم يكون مو مرة خفيف ولا ثقيل اذا كان ثقيل زيدي عليه حليب سايل واذا سايل زيدي عليه دقيق .
جيبي مقلاة من اللي تجيكي مسطحه مرة او مقلاة عادية حطي زيت عشان لا يلصق وحطي كميه من اللي في الخلاط بس مو كثير زي طريقة القطايف بس تكون دائرتها اكبر بس نقسها بالسمك وتحمريها من الجهتين وبعدين شيليها من على المقلاة واحشيها بالعصاج ولفيها زي السويسرول ورصيها بصينية طبعاً تعيدي نفس الطريقة اللين تخلصي اللي بالخلاط وبعدين تجيبي قدر صغير وتحطي شوي زيت وفص ثوم وحبه طماطم مقطعة ومعجون طماطم شوي ونص ماجي وفلفل وكمون وتحطيهم فوق اللي بالصينية وابشري جبن كرافت عليها ودخليها الفرن اللين تتحمر من تحت وفوق وقدميها .
تحياتي سومه الدلوعه